O pasado 11 de febreiro, con motivo do Día Internacional da Muller e a Nena na Ciencia, a nosa biblioteca celebrou unha serie de actividades especiais dirixidas a fomentar a participación e o interese das estudantes no mundo da ciencia. Durante toda a semana, os recreos transformáronse nun espazo de aprendizaxe e diversión, onde os voluntarios e voluntarias organizaron xogos como un memori, que permitiron aos nenos e nenas coñecer a importantes científicas.
Estas actividades non só foron unha forma divertida de aprender, senón tamén unha oportunidade para inspirar ás nosas nenas a interesarse polas ciencias, mostrarlles que teñen un papel fundamental neste campo e motivalas a seguir carreiras científicas.
Grazas a todos os que participaron e colaboraron nesta fermosa iniciativa!
No hay comentarios:
Publicar un comentario