Día Internacional das Bibliotecas: Campaña "Adopta un libro" (para familias)

Prezadas familias:

Este trimestre estamos a revisar os fondos da nosa biblioteca escolar co fin de actualizar e renovar o catálogo.

Por este motivo, algúns libros que habitaban os seus estantes precisan dun novo fogar que os acolla. En cada un deles viven historias, experiencias, coñecementos... que poden resultar interesantes, mesmo valiosos, para alguén de vós.

A partires de hoxe, Día Internacional das Bibliotecas, e durante todo o trimestre, os martes de 16h a 18h (hoxe inclusive), podedes achegarvos ao recibidor do centro e elixir un ou varios exemplares dos que alí AGARDAN A SEREN ADOPTADOS.