"Historias de Nadal a través da creatividade dos máis pequenos"

 

O alumnado de 6º de Educación Infantil levou a cabo unha fermosa actividade para celebrar o Nadal. Baixo a guía da súa titor/a e coa colaboración da profesora de Audición e Linguaxe (AL), os pequenos/as embarcáronse nun proxecto único: crear as súas propias historias de Nadal a través de diferentes materiais sensoriais.

A actividade desenvolveuse en varias mesas temáticas: unha sensorial cunha neve artificial, un minimundo de Nadal, pezas soltas para crear figuras e escenas, e unha mesa de luz con imáns, onde os nenos e nenas puideron experimentar e xogar cos materiais mentres daban renda solta á súa imaxinación. Cada un deles creou unha pequena historia ou momento navideño que quería compartir.

Ao rematar, montouse unha exposición na biblioteca do centro, onde non só o alumnado de 6º de Infantil puido ver as historias dos seus compañeiros/as, senón tamén o alumnado doutros cursos. Foi un espazo cheo de ilusión.

Queremos agradecer aos nenos e nenas polo seu esforzo e dedicación, así como á súa titora e á profesora de AL pola súa colaboración e apoio na realización deste fermoso proxecto. ¡Unha forma marabillosa de compartir a alegría navideña a través da arte e a imaxinación!

Recomendacións de Nadal

 

A biblioteca énchese de Nadal

 

Durante o mes de decembro, a biblioteca do noso centro converteuse nun espazo de creatividade, experimentación e emocións compartidas arredor do Nadal. O alumnado de Educación Infantil participou nunha actividade na que, a través de mesas sensoriais, minimundos e mesas de luz, puideron crear e recrear diferentes escenas propias destas datas tan especiais. A exploración de materiais e texturas permitiulles dar renda solta á imaxinación, dando lugar a pequenas composicións cheas de significado, que posteriormente foron fotografadas polos propios nenos e nenas.

Como continuidade da actividade, o alumnado de Educación Primaria puxo palabras ás emocións do Nadal escribindo postais cheas de agarimo e bos desexos. Estas postais foron enviadas a distintas entidades públicas da contorna, como residencias de persoas maiores e bibliotecas.

Queremos agradecer a participación e a ilusión de todo o alumnado, así como o compromiso e a implicación do profesorado, que fixeron posible esta fermosa actividade interetapas dende a biblioteca escolar.

Celebración do Día da Constitución

Con motivo do Día da Constitución, o alumnado de terceiro de Educación Primaria levou a cabo unha actividade moi enriquecedora para achegarnos a este documento fundamental dun xeito creativo e participativo. Para iso, prepararon un pequeno programa de radio no que nos explicaron que é a Constitución, cando foi aprobada e cales son os nosos dereitos e deberes como cidadáns e cidadás.

Ademais, completaron esta iniciativa cunha pequena exposición fotográfica na que reflectiron algúns deses dereitos a través de imaxes. Na mostra puidéronse ver tanto fotografías realizadas polo propio alumnado como outras de fotógrafos e fotógrafas recoñecidos, establecendo un interesante diálogo entre distintas miradas.

Desde a biblioteca queremos agradecer o traballo, a implicación e a ilusión do alumnado participante, así como o acompañamento e a dedicación das súas mestras, que fixeron posible esta actividade tan significativa para toda a comunidade educativa.

Celebración do 3 de decembro: Día Internacional das Persoas con Discapacidade

O pasado 3 de decembro, no noso centro celebramos o Día Internacional das Persoas con Discapacidade cunha actividade moi especial organizada desde a biblioteca escolar. Un grupo de alumnas voluntarias preparou con moito agarimo un pequeno contacontos, a través do cal nos amosaron a importancia de valorar a diversidade e comprender que todas as persoas temos diferentes capacidades.

Desde a biblioteca, agradecemos a implicación das alumnas participantes e celebramos este tipo de iniciativas que fomentan valores tan importantes dentro da nosa comunidade educativa.

🔬 Novembro de experimentos na biblioteca

Durante este mes de novembro, a nosa biblioteca encheuse de curiosidade, preguntas e moitas ganas de aprender. Ao longo de varias sesións, o alumnado puido participar en distintos experimentos científicos, convertendo a biblioteca nun auténtico laboratorio.

Ademais, nesta ocasión, os nosos colaboradores e colaboradoras tamén se animaron a poñerse detrás da cámara, actuando como fotógrafos e achegándose un pouquiño máis ao PDI do centro, deixando constancia destes momentos tan especiais.

Desde a biblioteca queremos agradecer a súa implicación e entusiasmo, así como a participación do alumnado. Grazas!

Recomendación de lecturas no 25 de Novembro "Día Mundial contra a violencia de Xénero"

O 25 de novembro, Día Internacional para a Eliminación da Violencia contra a Muller, para promover a igualdade e a prevención da violencia machista.