Letras Galegas

 O Día das Letras Galegas 2026 está dedicado á escritora, xornalista e activista viguesa Begoña Caamaño (1964-2014). A Real Academia Galega homenaxéaa polo seu salientable labor narrativo, especialmente polas súas novelas que reescriben mitos clásicos, e o seu compromiso coa lingua galega desde o xornalismo. 

Día das familias

 O Día Internacional das Familias celébrase o 15 de maio de cada ano desde 1994. Esta data foi proclamada en 1993 pola Asemblea Xeral das Nacións Unidas facéndose eco da importancia que a comunidade internacional outorga ás familias.

Cazando cores para o noso PDI

Seguimos preparando con entusiasmo a exposición final do noso proxecto de biblioteca.

O alumnado de quinto de Educación Infantil participou nunha divertida saída para “cazar” as cores da natureza. Convertidos en pequenos exploradores, percorreron a súa contorna buscando e fotografando distintos tons: o azul do ceo, o violeta das flores ou o marrón das árbores, entre moitos outros.

Alén de aprender a observar con atención, pasárono en grande desfrutando da actividade ao aire libre. Unha proposta chea de cor, curiosidade e diversión, que demostra que a natureza tamén é unha gran fonte de inspiración para comunicarnos a través das imaxes.

Monicreques

O alumnado de segundo curso desfrutou dunha actividade moi especial: a construción dos seus propios monicreques. Tras elaboralos con distintos materiais, deron o seguinte paso: facelos cobrar vida. En pequenos grupos, representaron situacións breves e divertidas, cheas de imaxinación e humor. Unha proposta moi enriquecedora, na que traballaron a creatividade, a expresión oral e o traballo en equipo mentres aprendian xigando. Parabéns as súas mestras e o alumnado polo seu traballo. 

O noso PDI avanza...

Seguimos avanzando na preparación da exposición final do noso proxecto de biblioteca, centrado noutras formas de comunicarnos, como a fotografía.

Nesta ocasión, o alumnado de cuarto de Educación Infantil participou cunha proposta moi especial e significativa. Cada neno e nena trouxo de casa o seu peluche ou xoguete máis importante, converténdoo no protagonista da súa propia fotografía. A través destas imaxes, puideron expresar emocións, vivencias e pequenos fragmentos do seu mundo privado.

Como broche final, reunimos todos os peluches e xoguetes para crear unha fotografía conxunta da aula, chea de cor, tenrura e significado.

Unha actividade sinxela pero moi emotiva, que nos lembra que tamén podemos comunicarnos a través das imaxes e daquilo que é importante

Continuamos coas visitas das familias

No noso centro continúan os proxectos coa participación das familias, como “Contos da Garaballa” e “Fotografías que contan”, dúas propostas que enchen as nosas aulas de historias e momentos compartidos.

As familias visítannos para contar contos ou para descubrir, xunto ao alumnado, as historias que se esconden detrás das imaxes.

Unha experiencia moi especial que reforza a colaboración entre familia e escola, e que converte a aprendizaxe en algo aínda máis significativo.

Preparando o noso PDI

                                         

O noso alumnado continúa traballando con ilusión na preparación da exposición final do proxecto de biblioteca deste curso, centrado en “outras formas de comunicarnos”, entre elas, a fotografía.Nesta ocasión, o alumnado de terceiro, inspirado no fotógrafo Chema Madoz e conectando con contidos de Ciencias da Natureza, como o ciclo da auga, creou pequenas obras fotográficas cheas de creatividade. Xogando con obxectos cotiáns e significados, lograron imaxes moi suxestivas. Grazas as súa titora e o alumnado polo seu traballo e esforzo.